نامەی بەخێرهێنانی ڕاگری کۆلیژ:

من (د. زانا عزیز عبدالکریم) لێرە لە زانکۆی ڕاپەرین کۆلێژی زانستە ئەندازیاریی کشتوکاڵیەکان لە ئێستادا وەک ڕاگر ڕۆڵ دەبینم وە ئەرکی سەرەکی کۆلیژمان بریتیە لە گەشەپێدانی بیرکردنەوەی فراوان و قولی خوێندکاران لە ڕێگەی فێرکردنی ژیرییە زانستیەکانی تایبەت بە باشترکردنی چەندیەتی و چۆنیەتی بەرهەمە کشتوکاڵی و ئاژەڵیەکان کە سەرچاوەی خۆراکن بۆ مرۆڤ، فێربوونی ئەم زانستانەش ئاسۆیەکی ڕوون دەبەخشێتە داهاتووی خوێندکارانمان بۆ دۆزینەوەی هەلی کار لە دوای تەواوکردنی بەشە زانستیەکانی کۆلێژەکەمان لە ڕێگەی بنیاتنانی پڕۆژەی گەورە و بچووک لە هەردوو کەرتی گشتی و تایبەتدا. لە جیهانی پێشکەوتوودا کەرتی کشتوکاڵ و ئاژەڵداری لە ئاستی یەکەم دایە لە ڕووی گرنگی پێدان لە لایەن کاربەدەستان، وە لە زۆرێک لەم وڵاتانە ئاسایشی خۆراک بەستراوە بە ئاسایشی نەتەوەییەوە. خۆشبەختانە، ئێستا پێشخستنی کەرتی کشتوکاڵ لە پێشینەی بەرنامەی کاری حکومەتی هەرێمی کوردستانە کە دەبێتە دەرفەتێک بۆ دۆزینەوەی کار بۆ دەرچووانی کۆلێژی زانستەئەندازیارییە کشتوکاڵیەکان.

مێژووی کۆلێژ :

کۆلێژی زانستە ئەندازیارییە کشتوکاڵیەکان لە زانکۆی ڕاپەڕین بە کردنەوەی بەشی سامانی ئاژەڵی دەستی پێکردووە بە فەرمانی زانکۆی ژمارە (٢٧٣) لە بەرواری (٢-٦-٢٠١٥) ، تا ئێستا سێ قۆناغی دەرچووی هەیە. دواتر بەشی باخداری کراوەتەوە بە فەرمانی زانکۆی ژمارە (٣٧٨) لە بەروای (٢٥-٩-٢٠١٦) ، وە تا ئێستا دوو قۆناغی دەرچووی هەیە. هەردوو بەشی ناوبراو بۆ ماوەی چەند ساڵێک ڕاستەوخۆ سەر بە سەرۆکایەتی زانکۆ بوون لە ڕووی کارگێڕیەوە دواتر لە بەرواری (٩-٧-٢٠١٩) بە فەرمانی وەزاری ژمارە (١٢٠٥) فەرمانی کردنەوەی کۆلێژی زانستە ئەندازیاریە کشتوکاڵیەکان دەرچووە کە دەکەوێتە کە مپەسی قەڵادزێی زانکۆی ڕاپەڕین لە قەزای پشدەر کە ناوچەیەکی کشتوکاڵیە وە لە ڕووی جوگرافیەوە هەڵکەوتەیەکی دڵگیری هەیە. یەکەم ڕاگری ئەم کۆلێژە بە فرمانی وەزاری ژمارە (١١٩٩) لە مانگی تەموزی ساڵی (٢٠١٩) دیاریکرا.

دیدی کۆلێژ:

بۆ مەبەستی بەدیهێنانی کەرتێکی پێشکەوتووی کشتوکاڵی و ئاژەڵداری لە هەرێمی کوردستان وە بەتایبەت لە دەڤەری ڕاپەڕین سەرجەم بەشە زانستیەکانی ئەم کۆلێژە پەیوەستن بە پلانی زانستی سەردەمیانە بە ئامانجی باشترکردنی چەندیەتی و چۆنیەتی بەرهەمە ڕووەکیەکان و ئاژەڵیەکان.

پەیامی کۆلێژ:

پەروەردەکردنی کادیری خاوەن مەهارەی خوازراوی بازاڕی کار و هەڵگری ئەتەکیەت و ئیتکی بەرهەمهێنانی سامانە ئاژەڵی و ڕووەکیەکان ئامانجی ئەم کۆلێژەیە، کادیرێک چوست لە لێکۆڵینەوە و دۆزینەوەی چارەسەری زانستیانەی گرفتەکانی بەردەم بەرهەمهێنانی زیاتر و کوالیتی باشتر بێت. دەخوازین دەرچووانمان هەڵگری تایبەتمەندی پێویست بن بۆ پێدانی زانیاری زانستی بە جوتار و خاوەن پڕۆژەکانی بەرهەمهێنان بە گشتی، وە بەستەری پەیوەندی نێوان کێڵگەکانی سامانە خۆراکیەکان و ناوەندەکانی توێژینەوە بن بە ئامانجی گەشەکردنی زانستی سامانی ئاژەڵ و زانستە باخدارییەکان.  

ئەنجومەنی کۆلێژی زانستە ئەندازیارییە کشتوکاڵیەکان: